Video
Read full review
2019-05-08
146 views
餐廳喺蘭桂芳，一年365日都好多外國人，泰菜又係東南亞菜中比較受外國人青睞嘅菜式，所以上到去見到都有唔少外國遊客。 餐廳裝潢有格調，燈光微暗，我哋坐喺窗台位，有厚厚咕𠱸，背後窗外酒吧林立熱火朝天，餐廳裡雖然幾近滿座但相對寧靜，可優悠咁享受豐富晚餐。送了蝦片做小食。【柚子沙律$108】好多柚子果肉，仲有炸椰絲、洋蔥、蔥花提味。 柚子果肉爽甜新鮮，之前食過其他泰菜餐廳嘅柚子沙律，一係太酸一係太甜，呢度嘅沙律就酸甜度平衡適中，開胃之選。食泰菜點可以唔食咖哩，呢度除咗一般常見嘅紅、黃、青咖哩，仲有比較少見嘅馬沙文咖哩，可以配雞肉、牛肉、豬肉、蔬菜，或者加$28配蝦。 【馬沙文咖哩蝦$128(配蝦+$28)】椰香味重，較甜而不辣，啱啲不嗜辣但鍾意咖哩味道嘅人。 配料蝦有六隻，不過細隻咗少少，仲有薯仔、花生、洋蔥。【烤魚$268】有三款湯底(冬蔭公、南薑椰奶、泰式酸辣)同兩種魚(盲曹、烏頭)可選擇。 店員推介盲曹，肉多骨少，再配南薑椰奶湯底，殺菌、消炎抗癌。 烤魚係用一個銀光閃閃嘅烤盤上碟，好華麗。先飲南薑椰奶湯，湯料除咗一粒粒嘅南薑仲有蘑菇、香菜等等，椰香味重，微酸微辣，夠晒開胃，可以慳返唔駛另
送了蝦片做小食。
【柚子沙律$108】
好多柚子果肉，仲有炸椰絲、洋蔥、蔥花提味。 柚子果肉爽甜新鮮，之前食過其他泰菜餐廳嘅柚子沙律，一係太酸一係太甜，呢度嘅沙律就酸甜度平衡適中，開胃之選。
食泰菜點可以唔食咖哩，呢度除咗一般常見嘅紅、黃、青咖哩，仲有比較少見嘅馬沙文咖哩，可以配雞肉、牛肉、豬肉、蔬菜，或者加$28配蝦。 【馬沙文咖哩蝦$128(配蝦+$28)】椰香味重，較甜而不辣，啱啲不嗜辣但鍾意咖哩味道嘅人。 配料蝦有六隻，不過細隻咗少少，仲有薯仔、花生、洋蔥。
【烤魚$268】有三款湯底(冬蔭公、南薑椰奶、泰式酸辣)同兩種魚(盲曹、烏頭)可選擇。 店員推介盲曹，肉多骨少，再配南薑椰奶湯底，殺菌、消炎抗癌。 烤魚係用一個銀光閃閃嘅烤盤上碟，好華麗。先飲南薑椰奶湯，湯料除咗一粒粒嘅南薑仲有蘑菇、香菜等等，椰香味重，微酸微辣，夠晒開胃，可以慳返唔駛另外叫個湯。 盲曹果然多魚肉，魚肉鮮美，煮咗一段時間肉質仍然保持嫩滑，絕對新鮮。
【南瓜布甸$67】布甸就喺個挖走咗部份南瓜肉嘅南瓜殻入面。 布甸口感軟滑，連埋南瓜肉一齊食味道更豐富。
Post
