Video
Read full review
2020-11-03
1050 views
今日同一個朋友飯聚，佢話想食西餐而要係觀塘食度。所定咗黎呢間餐廳。一來位置放便，近觀塘站。餐廳裝修簡潔新潮，以粉紅色為主，滿足女士嘅少女心，有格調。座位大小正常合當。睇得出餐廳有花心機喺裝修方面。野食方面lunch set 價錢由$88至$158。每款食品都有標記住嗰個食品係蔬菜類，五榖類，含有優質蛋白質或脂肪。但對於我黎講，想食乜就食乜，為何花時間睇呢D健康信息。餐湯(冇影到)先上餐湯，係洋蔥湯。味道偏鹹，少少蓋過咗洋蔥本身鮮甜嘅味。洋蔥份量足料，煮到好淋，好入味。可借湯太鹹了。餐包餐包係mini baguette (迷你法包)。外皮略嫌硬咗D，要配湯。但洋蔥湯點包...好似有D怪。算，就讓牙齒受苦吧!慢煮雞胸配白腰豆及紅椒忌廉$128雞胸嫰滑，慢煮方法可以保留到更多肉汁，最後並煎一吓，令外皮變得香脆邪惡，高分之作。紅椒忌廉就…沒紅椒味，又沒忌廉味，原味食仲好。白腰輕微將佢壓扁。個人覺得白腰豆原粒煮熟就好，唔係太鍾意呢種糊糊地嘅texture。牛肉漢堡配松露蛋黃醬，炸薯寶及田園沙律$118漢堡包個包有烘過，令麵包更香口。但個包好鬼大個，一個人根本食唔哂。漢堡肉厚薄適中，有肉汁，唔鞋口
今日同一個朋友飯聚，佢話想食西餐而要係觀塘食度。所定咗黎呢間餐廳。一來位置放便，近觀塘站。
餐廳裝修簡潔新潮，以粉紅色為主，滿足女士嘅少女心，有格調。座位大小正常合當。睇得出餐廳有花心機喺裝修方面。
野食方面lunch set 價錢由$88至$158。每款食品都有標記住嗰個食品係蔬菜類，五榖類，含有優質蛋白質或脂肪。但對於我黎講，想食乜就食乜，為何花時間睇呢D健康信息。
餐湯(冇影到)
先上餐湯，係洋蔥湯。味道偏鹹，少少蓋過咗洋蔥本身鮮甜嘅味。洋蔥份量足料，煮到好淋，好入味。可借湯太鹹了。
餐包
15 views
0 likes
0 comments
餐包
餐包係mini baguette (迷你法包)。外皮略嫌硬咗D，要配湯。但洋蔥湯點包
.
.
.
好似有D怪。算，就讓牙齒受苦吧!
慢煮雞胸配白腰豆及紅椒忌廉
$128
26 views
0 likes
0 comments
慢煮雞胸配白腰豆及紅椒忌廉$128
雞胸嫰滑，慢煮方法可以保留到更多肉汁，最後並煎一吓，令外皮變得香脆邪惡，高分之作。紅椒忌廉就…沒紅椒味，又沒忌廉味，原味食仲好。白腰輕微將佢壓扁。個人覺得白腰豆原粒煮熟就好，唔係太鍾意呢種糊糊地嘅texture。
牛肉漢堡配松露蛋黃醬，炸薯寶及田園沙律
$118
28 views
0 likes
0 comments
牛肉漢堡配松露蛋黃醬，炸薯寶及田園沙律$118
漢堡包個包有烘過，令麵包更香口。但個包好鬼大個，一個人根本食唔哂。漢堡肉厚薄適中，有肉汁，唔鞋口，但又未到嫩嘅境界。漢堡包中間還有夾住芝士、蕃茄、生菜同洋蔥絲。炸番薯條炸得金黃香脆，同時又保留到蕃薯嘅甜味。
價錢方面總共$270.6，午餐照連加一。西餐黎講算係中間價位，可接受的價錢。
總括而然，環境舒適，員工服務態度正常，上菜速度比預期中快，主菜高質。雖然前菜比主菜差咗d，但也值得推薦。
Post
