Video
Read full review
2023-12-03
1655 views
之前同老公簡單慶祝一齊5000日，揀左朋友極力大推既 #鮨文，喺尖嘴開咗新鋪，唔洗入元朗！價錢$1980/位 (20品) 絕對超值，每道菜都高質素，用料上盛，師傅對食材知識豐富，刀功同廚藝精湛，係精彩喜出望外既一餐1️. 白子配水雲呢日既白子好濃味，好creamy！配水雲酸汁，好開胃! 2. 牛蒡，長芋，毛蘿蔔3️. 剝皮魚卷住芽從，落左烏魚子粉同魚肝醬調味，烏魚子粉同魚肝醬既鹹香為味道較清既剝皮魚添上色彩，好味4. 黑魚子．毛蟹．千鳥醋菊花啫喱．金時菜．腐竹．紫蘇花點綴味道同口感都頗複雜！毛蟹本身鮮味比較淡，主要鹹味來自黑魚子，鳥醋菊花啫喱酸酸甜，好特別既配搭，但係好味既5. 煙燻鰆魚配蘿蔔蓉鰆魚入晒煙燻味，魚肉微熟好香好結實，配少少蘿蔔蓉令魚味更出呀！6. 秋刀魚刺身原來秋刀魚做刺身咁正，平時食都係煎秋刀魚！師傅話最近秋刀魚合時，好肥美，梗係要做刺身啦！7. 北海道厚岸生蠔配煙燻鰹魚花．配酸汁啫喱．大根．日本丸茄子鏗魚乾係師傅上檯即刨，第一次見人拎住舊木魚刨，生蠔超肥美，肉質爽得來又好creamy，用酸汁啫喱已令蠔味道更突出8. 慢煮鮟鱇魚肝配窩巴 (MVP 呀)好好食~到依家我仲好深
揀左朋友極力大推既 #鮨文，喺尖嘴開咗新鋪，唔洗入元朗！價錢$1980/位 (20品)
絕對超值，每道菜都高質素，用料上盛，師傅對食材知識豐富，刀功同廚藝精湛，係精彩喜出望外既一餐
1️. 白子配水雲
呢日既白子好濃味，好creamy！配水雲酸汁，好開胃!
2. 牛蒡，長芋，毛蘿蔔
3️. 剝皮魚卷住芽從，落左烏魚子粉同魚肝醬調味，烏魚子粉同魚肝醬既鹹香為味道較清既剝皮魚添上色彩，好味
4. 黑魚子．毛蟹．千鳥醋菊花啫喱．金時菜．腐竹．紫蘇花點綴
味道同口感都頗複雜！毛蟹本身鮮味比較淡，主要鹹味來自黑魚子，鳥醋菊花啫喱酸酸甜，好特別既配搭，但係好味既
5. 煙燻鰆魚配蘿蔔蓉
鰆魚入晒煙燻味，魚肉微熟好香好結實，配少少蘿蔔蓉令魚味更出呀！
6. 秋刀魚刺身
原來秋刀魚做刺身咁正，平時食都係煎秋刀魚！師傅話最近秋刀魚合時，好肥美，梗係要做刺身啦！
7. 北海道厚岸生蠔配煙燻鰹魚花．配酸汁啫喱．大根．日本丸茄子
鏗魚乾係師傅上檯即刨，第一次見人拎住舊木魚刨，生蠔超肥美，肉質爽得來又好creamy，用酸汁啫喱已令蠔味道更突出
8. 慢煮鮟鱇魚肝配窩巴 (MVP 呀)
好好食~到依家我仲好深刻~安康魚肝8成熟左右，軟淋淋，就咁食好濃郁(有D似鵝肝)，配個脆脆窩巴，簡直係絕配，好好味！好想再食👍🏻
師傅話呢個菜係自創，唔會教人整，所以一定要黎依度食！
食壽司🍣前清一清喉嚨，金醋蕃茄浸住白酒啫喱，好清新香甜！
壽司 今次揀咗用手食，係有風味啲
9. 醬泥烏賊
10. 石垣鯛
11. 鮮甜蝦 肉質鮮甜，用手食，隻手會染紅色
12. 喜之次 通常用作燒魚，魚皮燒過幾有心思，刺身食又幾好味，油份高，肉質較結實
13. Scampi 大蝦🦐
超大隻蝦，多數都係西餐先見到佢，刺身食法好爽口彈牙，蝦味濃郁
14. 本象拔蚌
細細隻象拔蚌，未整前師傅攞出新鮮蚌肉俾我地影相打卡，同平時食既有D唔同，但肉質更爽，彈牙！
15. 野生中拖羅
餐廳對食材質素好重視，所有拖羅由石司供應商，這間供應商出的拖羅係相當有保證，會揀最好味，最時令的拖羅
16. 大拖羅
入口即溶，大拖難免有根，但油分超高，入口即溶
17. 熟蝦
熟蝦，坊間一般都整得麻麻，所以我都唔太特別喜歡，不過今次師傅整得爽口彈牙，蝦肉一D都唔霉
18. 海膽 羽立 04 🉐
羽立供應商會將海膽分number，01最高級，一般都好難攞到，但今次我哋竟然攞到04，真係好高質！佢係白海膽，味道鮮甜，
唔會有明礬味，每一片都好好味，好鮮甜！師傅好好人，知我地鍾意放多左幾件俾我地！魚子有少少鹹味吊出海膽的鮮味，唔洗點醬油！
19. 三文魚子軍艦
三文魚子師傅自家調製，魚子特別脆皮，好特別！值得一試
20. 手卷
呢個係隔離檯食客上次食過番尋味，想師傅再整，佢既誠意感動了師傅，我地就順勢有得試
試完終於明點解佢念念不此忘，因為真係驚天地咁好味
有三文魚子．拖羅蓉．櫻花蝦乾等，仲有D食唔出係咩既配料，但令到成件事好夾好好味
21. 青葱湯
葱既名牌用左河豚品牌，每粒葱都切到好幼細，鮮綠色，好香葱味
22. 貓眼巨峰加黑提雪糕
巨峰好香甜，好似雪芭，好天然既甜味，為呢一餐劃上完美句號
到最後食左22品，大滿足~
環境好舒服 ，一路食一路同師傅傾下omakase 食材心得，師傅好好傾
呢個就係要食Omakase 既原因
我知依家已勁多人book 左位，要食快d 預約，真心抵食👍🏻
Post
