南대門

Open Now

Now Closed

今日同朋友嚟到尖沙咀食韓國菜。餐廳環境舒適，有多個卡位位置，亦有唔少圓桌座位。餐牌～有好多豐富嘅配菜，包括泡菜、芽菜、醃蘿蔔、薯仔、西蘭花、沙律同埋生菜。🔥醬烤鰻魚 $200（200g）鰻魚已經用醬醃製好，上面仲灑上芝麻，店員提醒我哋想燒嘅時候冇咁易燶，就要將生菜鋪喺底，真係好有用😆鰻魚非常入味，質感軟腍，而且完全冇骨，我哋燒到底下有少少焦香，非常好食👍🏻🔥烤牛肉八爪魚火鍋 $350八爪魚火鍋配料相當豐富，包括牛肉、八爪魚、韓式餃子、年糕、豆腐、金菇、娃娃菜、韭菜、蘿蔔、翠玉瓜、洋蔥及雜菇，另外會附上一兜辣醬，可以根據自己口味調節辣度。本身湯底已經有胡椒味，我哋嗰日想食得清淡啲，所以就冇再額外加辣醬。食完火鍋真係食咗超多蔬菜，非常健康～🌶️石鍋拌飯 $90（160g）石鍋拌飯嘅配料有牛肉、紅白蘿蔔絲、菠菜、紫菜同絲瓜絲，紫菜底下仲有一隻半生熟嘅蛋，店員亦會比埋辣醬，可以自己調配辣度。