發記甜品 (Closed)

嗌左個黑珍珠x芒果，一黎啲黑珍珠痴到一舊舊，太傑，然後芒果汁雪到有冰，芒果有好多渣，太甜，未食過咁難食嘅黑珍珠。朋友嗌左個淨豆腐花都出事，食到成口石膏粉，原本諗住俾左錢要食哂佢，最後都食唔到落去，乾到不得了。仲有個腐竹薏仁糖水又傑，好似啲膠水漿住個口，簡單如楊枝甘露都過甜，最離譜嘅係想話要杯水浪下個口都話要收$8買蒸餾水，錢就收到盡，即使係多人時段質素都唔應該咁低，下次唔會再幫襯，真係好難食。