金鳳大餐廳 (新都城中心三期)

Open Now

Now Closed

今次去金鳳食飯，整體體驗真係一言難盡。下午茶鐵板鴛鴦扒 $76 鴛鴦扒係豬扒拼雞扒，豬扒味度正常肉質普通，唔算太嫩，但佢塊雞扒細到，你話將隻雞斬佢18件既其中一件，我都會信。黑椒汁偏鹹鐵板薄西冷扒 $78 西冷扒對比大家樂黎講算厚身，但佢好似落得太多梳打粉，無肉味，薯條比啲汁整淋晒，有啲晒。凍奶茶無乜茶味，可以唔洗嗌後話職員態度真係有待改善！二位去，見到有卡位，職員話要比四人坐，被安排坐走廊位，但轉頭職員就將個卡位比2人坐，what???都算啦。佢哋上完餐包同湯後，唔夠三分鐘後個鐵板就上到。張枱原本已經窄得嚇人，我真係擔心職員會唔小心將兩塊鐵板會飛過嚟，我起身讓位，點知職員即刻叫我坐返落去，話我起左身無人擋住啲汁，啲汁會彈到佢哋櫈度，我當下呆左秒，職員勁惡再講唔好整污糟佢地啲櫈。乜嘢邏輯嚟㗎？姐係佢張櫈既乾淨重要過啲客有無燙親???食嘅時候，因為坐走廊位，好易比人撞到隻手，又有收餐車不停經過，我要好似隻暴龍手咁縮埋一舊先食到，真係冇心情食。仲要見到職員收隔離枱餐具時勁大力掉嘢，啲廚餘汁彈出。結論食物味道無乜特別，價錢唔算貴，但問題係服務同環境因素，我寧願揀第二間餐廳比我安安樂樂食餐飯。