渝人碼頭 (Closed)

久唔久就想食辣既我，今日來到灣仔渝人碼頭，一入門口就聞到久違了的川辣味! 呢種味，係北京既麻辣干鍋店先會有!店舖有2層，職員安排左我地坐上層，個趟旋轉樓梯，轉到我暈暈地!入正題，我點左個午餐，辣子雞配烏梅汁， 同行朋友點了個麻辣口水雞。相比口水雞，我份辣子雞，辣度更高，而且越食越辣 好彩午餐跟烏梅汁做餐飲，可以舒緩一下辣椒帶來既刺激。除左主菜同白飯，午餐仲搭埋一盅湯同一碟開胃小菜，碟小菜都係微辣架，真係幾開胃!是日湯品係足料冬瓜湯。，熱辣辣咁上枱，都幾有誠意。