4號烤吧 (Closed)

天氣終於涼少少，嗜辣的靈魂就忍唔住。呢間野經過好多次，終於食到。睇餐牌有烤魚同雞煲，仲有串燒食。而我地兩條友叫左毛血旺烤魚🐟配左3個配菜，5串串燒，兩杯啤酒，一渣蘋果汁，好豐富，好耐冇食得咁滿足。烤魚叫左中辣，好有驚喜。最怕有時出去食所謂烤魚，美其名烤魚，其實純粹係浸熟條魚，但呢條係真烤魚，烤得好香口，魚皮好香脆，魚肉好有咬口，再加埋個辣係好食的辣，好正🌶冇錯，個辣好食係好重要，尤其最近打左幾次唔好食的邊爐，一係唔夠辣，一係重味精，難得食到個岩口味的麻辣，算係解左我幾星期以來的癮。我會再來。