大樹燒烤 (Closed)

有專人同你燒，枱上有個爐暖住d燒好左嘅食物，入面係點咗蠟燭，暖暖地，又唔會令食物過熟，真係好貼心，可以舒舒服服，涼住冷氣食燒烤。餐廳提供的食物款式有好多，真係好難取捨。肉類方面，我哋揀咗燒鮮牛肉、燒雞軟骨、燒豬大腸、雞翼說、燒豬頸肉、燒墨魚丸、牛丸，仲有牛舌、金菇牛肉卷同埋韭菜豬肉卷。另外，叫咗燒多春魚，仲有一個娃娃菜煲煲。最吸引嘅係燒豬大腸，外脆內軟，調味亦相當適中，中間入口即溶嘅感覺，好好味。雞翼我哋揀咗超級辣味，真係好辣，火候剛剛好，亦都係做到外脆內軟，裏面仲係有肉汁，好新鮮好好味。燒鮮牛肉，啲肉係唔肥嘅，感覺好健康。燒豬頸肉口切，肉質好爽，口感非常好，超正。燒墨魚丸同埋燒牛丸，全部肉丸都好滑，內裏有肉汁，好味。呢餐我俾100分，一定會再來光顧。