海南少爺 (Closed)

Weekend去咗尖沙咀睇展覽，行到攰就去咗海港城嘅海南少爺食個early dinner，貪佢有開揚靚景，坐得舒服之餘，食物質素都幾高。入座店員會先送上自家品牌荔枝古樹紅茶，淡紅色茶湯入口帶清新荔枝果香，味道醇厚！麻醬雞絲撈起沙律（$142）馬來西亞、新加坡華僑好興過年過節食撈起，取其好意頭，寓意撈到風生水起！擺盤好靚，青瓜、蘿蔔絲、木耳、芋頭絲等等五顏六色嘅配料，加上滑嫩雞絲同煙韌粉絲，用麻醬撈勻，口感同味道都唔錯！海南雞飯拼海鮮喇沙（$138）嚟海南少爺當然要食海南雞飯，但又想試喇沙？可以叫呢款菜式，一次過滿足晒兩個願望。無骨海南雞皮爽口，雞肉超嫩滑，蘸埋三款醬汁配油飯食一流！喇沙大蝦鮮美，湯底椰香味幾突出，入口微辣好惹味，摻摻麵底有油麵又有米粉，口感獨特。豬肉沙嗲（$98）星馬必點小食，單拼有六串豬肉沙嗲，醃製入味，烤到外皮幾香，蘸埋惹味花生沙嗲醬，如果有更多青瓜同紫洋蔥就更好啦。葱油手拍酥餅配咖喱汁（$68）有兩大塊熱辣金黃嘅蔥油餅，外酥內軟，搭配嘅咖哩汁口味偏甜辣度唔算高。熱帶雨林（$28）、柑香蜜雨（$28）食星馬菜點可以唔飲特飲，我哋就叫咗兩款，前者係石榴、番石榴、菠蘿加