HASH CAFE (Closed)

今日黎到天水圍T TOWN 行街行到有D餓, 就比#HASH Cafe嘅鳥籠裝修吸引左入去。我同朋友兩個人各自叫左Tea Set食, 價錢大部分套餐都係三十至五十蚊, 有熱餐同甜食。最後我地叫左一個炸雞翼薯條餐同埋一個綿花糖吐司餐, 兩個都各配一杯熱飲, 可以以半價轉特飲, 於是我地都叫左兩個芝士奶蓋四季春。炸雞翼薯條餐: 雞翼炸得唔會太乾或者太油膩, 有少少似南乳雞翼嘅味, 肉都夠juicy。配菜有芝麻沙律醬, 都幾清爽, 配炸野岩岩好。綿花糖吐司餐: 普普通通, 綿花糖係偏甜, 一整起微暖食會夾d, 但涷左就會冇感好。但我覺得整體都唔係特別好食, 係賣相會幾吸引。芝士奶蓋四季春: 份量算中size杯, 芝士個層都夠多, 芝士的微咸配埋茶嘅甘香係幾夾, 口味同出面芝士奶蓋飲品差唔多。