稻香超級漁港 (Closed)

現在好多年青人都會去茶樓飲茶，已經唔係老人家的專利。我有時同男朋友興起都會茶樓飲茶，食下蝦餃燒賣。前陣子紀念日去左旺角稻香超級漁港 Pier 88飲茶，叫左幾款點心：和味拍青瓜，上次食過，覺得好好味，但今次差了一點，有些青瓜不夠入味，那種酸酸甜甜的最開胃。稻香鮮蝦餃，雖然皮算不上薄，但每隻內裡都有2隻蝦，蝦肉幾有彈性，整體來說--還可以。原蝦燒賣皇，每一粒燒賣上加了一隻蝦加上蟹籽一齊蒸，燒賣雖然加了不少肥豬肉，但不算油，蝦肉及豬肉變得更層次分明，不錯。豉汁蒸鳳爪，幸好沒有腳甲，夠入味，軟淋的，不錯，連花生也食光。韮王鮮蝦腸，短短的腸粉有2大隻蝦，少量韮王，蝦算爽口，但皮不滑亦不夠薄。金粟花姿餅，超讚，魷魚粒加粟米粒，一個有咬口一個爽甜，兩邊煎得香口。吉士煎軟糍，兩邊煎到金黃色，一邊灑滿芝麻，軟糍皮好柔軟，裡面滿滿的吉士，不太甜，亦滑身，像甜品。