瑞士咖啡室 (Closed)

新蒲崗工廈入面，唔細心睇真係會錯過，同店面唔同，入面空間好大而且裝修幾有特式。2點後有下午茶，除左下午茶餐，其他野都有特價。雞脾大大隻，肉唔算好滑但夠哂入味，雞皮一d肥膩感覺都冇，唔錯；金磚唔太脆，不過幾鬆軟，加埋糖漿食都幾好味乾炒牛河色就夠，味就真係一般，食唔到瑞士汁味，加埋牛肉份量唔多，整體黎講麻麻。奶茶反而最有驚喜，有茶味又有奶香，飲落好滑，果然奶茶係港式茶餐廳飲最正！雖然係下午茶時間，但價錢唔可以話抵食，食物質素算係不過不失，整體評價屬於可以。