Flamingo Bloom (Closed)

食完午飯，帶小朋友試新野，去士丹利街石板街口既Flaming Boom,門口一隻吹氣大紅鶴，很輕易就吸引到人們註足留意跟住就入去消費。下午3時，人龍排到出門口，有啲一人買幾杯，最後都成差唔多半個鐘先攞到野飲。試飲果茶，多果胎菊普洱，價錢可接受，真係放咗幾片唔同生果入去，生果味很濃，反而茶味唔太夠，冰都多咗啲。放飲品既吹氣小紅鶴原來唔係包埋既，係另外加錢$15購買，但為咗小朋友開心影靚靚相，最後都買咗2隻，生意手法真高明👍店內座位很少亦很擠迫，適合買走飲多啲，買多隻吹氣小紅鶴影相打卡都唔錯。