Video
Read full review
2017-11-19
599 views
又來到周日，上星期同兩隻小鬼去咗登高，然後食放題，今個星期，天氣雖然唔算好好，天陰陰，不過亦無損我和家人外出舒展一下筋骨嘅雅興。行完山後，兒子提議一家人去飲茶。都好，反正已經很久沒和這小伙子坐埋一齊食點心。以前住灣仔嘅時候，經常會去杜老誌道群策大廈覓食，而今次我地就揀咗位於三樓、以即燒乳豬作招徠嘅「勝記酒家」。店內地方不大，一眼望曬，用餐區以圓檯為主，而且椅桌擺放得有點密麻，帶街坊飯店 feel，不過環境唔錯，光猛潔淨，配上一室簡約裝潢，整體感覺亦蠻不俗。先開壺老公至愛的鐵觀音，然後再慢慢剔點心。細看價目表，小點：$17.8、中點：$22.8、大點：$26.8、特點：$31.8、精點：$36.8，而茗茶就每位 $6。點心分為四大類，有蒸點、煲仔飯/腸粉、煎炸點和精美甜點，另外亦有風味小食、即叫即燒乳豬、各式燒味、廚皇粉麵及多款可供兩位至五位享用嘅午市套餐，選擇不少，豐儉由人。由於知道店子最出名就係乳豬，所以決定先來一客懷舊醬烤豬例牌 ($150)。碟乳豬分量不多，只得 7 件，上桌時會跟一籠餅皮和醬料。先挾起一片乳豬試試，皮薄而鬆脆，入口充滿油香，而且師傅在上檯前已事先片去黏著乳豬皮的
行完山後，兒子提議一家人去飲茶。都好，反正已經很久沒和這小伙子坐埋一齊食點心。以前住灣仔嘅時候，經常會去杜老誌道群策大廈覓食，而今次我地就揀咗位於三樓、以即燒乳豬作招徠嘅「勝記酒家」。
店內地方不大，一眼望曬，用餐區以圓檯為主，而且椅桌擺放得有點密麻，帶街坊飯店 feel，不過環境唔錯，光猛潔淨，配上一室簡約裝潢，整體感覺亦蠻不俗。
先開壺老公至愛的鐵觀音，然後再慢慢剔點心。細看價目表，小點：$17.8、中點：$22.8、大點：$26.8、特點：$31.8、精點：$36.8，而茗茶就每位 $6。點心分為四大類，有蒸點、煲仔飯/腸粉、煎炸點和精美甜點，另外亦有風味小食、即叫即燒乳豬、各式燒味、廚皇粉麵及多款可供兩位至五位享用嘅午市套餐，選擇不少，豐儉由人。
由於知道店子最出名就係乳豬，所以決定先來一客懷舊醬烤豬例牌 ($150)。碟乳豬分量不多，只得 7 件，上桌時會跟一籠餅皮和醬料。先挾起一片乳豬試試，皮薄而鬆脆，入口充滿油香，而且師傅在上檯前已事先片去黏著乳豬皮的肥膏，所以食落完全不覺油膩，以薄餅夾著吃，好食到停唔到口。至於下面的乳豬肉，質地亦夠曬嫩滑，的確名不虛傳，不愧為鎮店之寶。
鮑汁扣雞腳 ($48)，鳳爪用的是鮮雞腳，骨膠十足，食落好黏口，煮得非常入味，配上香濃的鮑汁，啖啖鮮美。
椒鹽豆腐粒 ($32)，豆腐呈小粒狀，炸得色澤金黃，外層脆卜卜，毫不油膩，內裡細滑香軟，伴上惹味的椒鹽和蒜粒，味道鹹鹹地，非常可口。
勝記蝦餃皇 ($31.8)，蝦餃皮包得唔算好靚仔，外皮亦稱上透薄，不過原來食落味道都唔錯，咬下煙韌彈牙，而餡料入面嘅蝦肉亦爽口有鮮味，夠曬大粒，落足料。
沙律明蝦角 ($31.8)，蝦角大大隻，炸得幾香脆，外層唔會泛曬油光，入面除咗蝦肉外，還有不少菜粒同芫荽，所以食落頗爽口。
近年上茶樓，有一道點心逐漸消失，就係這味蜂巢荔芋角 ($22.8)，所以見到呢度有，立即點來試試。挾起芋角細看，外皮果然蓬鬆得像蜂巢，入口鬆化香脆，乾身不油，入面的芋蓉幼滑粉香，唔錯。
欖菜肉鬆四季豆炒飯 ($98)，飯粒炒得挺乾身，能做到粒粒分明的效果，而飯入面就加咗欖菜、肉碎及四季豆，入口帶淡淡欖菜的鹹香，不過如果欖菜可以再下得重手一點，應該會更加惹味。
壓尾甜品揀咗滋補薑汁糕 ($26.8)，薑汁糕一客有四件，造型層層疊疊，入口辛香味突出但又不過火，入口微辣與甜香一併襲來，好 Warm。上菜速度和味道都唔錯，而且結賬每人也只是百餘元，既好味又抵食。
Post
