力寶軒

Open Now

Now Closed

去咗呢間潮州酒家飲茶🫖，午市人頭湧湧。朋友介紹話佢哋啲嘢食好正宗，用料又足料，所以就專登去試吓。果然無令我失望！每道菜都做得好好，真係感受到佢哋嘅用心。首先，我哋叫咗個鵝片撈麵$98，好有驚喜。呢個係潮州菜嘅招牌菜之一。佢哋嘅鵝片，肥瘦適中，鵝肉滑嫩，唔會太韌，鵝味香濃。撈麵有鵝汁，仲配埋上湯，真係一流！我哋叫咗個翡翠帶子餃$78。個賣相已經好吸引，啲餃皮薄薄透透，帶子鮮嫩。蟹粉小籠包$38/位，就係另一個亮點！皮薄、蟹粉嘅味道好濃郁，而且仲食到絲絲蟹肉，真係好正！我哋每人一隻唔夠喉！跟住蒸蝦餃皇$80， 晶瑩通透，個皮夠薄但係又唔會爛，蝦肉爽口彈牙，食落好滿足！最後煎蘿蔔糕$48，煎得金黃香脆，外層脆卜卜，內裡軟糯，配埋辣椒醬好正！沙律明蝦角$68，炸皮夠薄夠香脆，點埋沙律醬，唔會太油膩。除咗食物好食之外，呢間酒家嘅環境都幾舒服，乾淨企理，服務態度都唔錯。