Coti (沙咀道)

Open Now

Now Closed

平日每日返工個人又急又趕，所以假日比較鍾意慢活休閒咁過，星期六同謙謙行完南豐紗廠就一路直行到嘉達，醒起入面有間 cafe 就入去食 lunch ，呢到店鋪唔太大，我諗多人外賣咖啡多，因樓上係office。今次來到叫左以下美食：⚛ 烤牛肋骨飯 ~ 有4大舊牛肋骨，烤到好腍肥瘦適中，個汁又甜甜地超好送飯， 所以謙謙都食左好多。🥗 日式胡麻醬沙律配煙三文魚 ~ 完全比碟沙律菜嚇親， 竟然咁大碟， 超多新鮮沙律菜呀，食極都仲有咁，車厘茄鮮甜多汁，配上我和謙謙鍾情的胡麻醬汁簡直一流， 重點係重有煙三文魚，淡淡煙燻味同沙律菜一齊食好夾。🍸 凍鮮忌廉朱古力 ～ 今次為哄自己開心，主動叫了杯甜到入心的鮮忌廉朱古力，拌一拌勻，吸一口已經好滿足了，因為上層係打過的厚厚忌廉和朱古力粉，甜味岩岩好，朱古力味濃郁，非常喜愛呢杯飲品。🍹 凍蜜桃茶 ~ 估唔到謙謙會叫一杯咁清新的飲品，謙謙話叫左個牛肋骨飯驚太油膩，所以叫杯蜜桃茶解一解油膩感，聽完我忍唔住笑了，不過我都飲了幾口，確係幾清新香甜，絕對可以解膩😊。呢間店舖感覺好舒服，下次我會再來嘆下佢d 咖啡，因入店已經好香咖啡味。