Video
Read full review
2017-08-27
3349 views
今次為左慶祝兩位細佬嘅生日，特意上網睇睇旺角/太子嘅餐廳，要坐得耐少少又唔會比人趕又要舒服少少喺旺角真係有d難搵。最後都係難免要搵商場野食，要有得訂枱同埋唔限時，最終搵到去Pizza Express！佢用商場apps可以訂枱同confirm，全程都係電子化真係方便又快捷。一行六人叫左一個四人餐再另加意粉同埋雞翼。四人餐有2個頭盤+1個沙律+2款薄餅+1款意粉同埋4杯汽水嘅！頭盤叫左蒜蓉包同埋清新南瓜蓉薄荷沾醬，南瓜蓉配埋麵包球一齊食嘅！一向都知道佢嘅麵包球配南瓜蓉沾醬係好食嘅，今次亦都唔例外，而且細細球嘅麵包亦都方便大家分嚟食！蒜蓉包我就第一次試，賣相就麻麻地，個面望落有d油，好彩食落唔會覺得太油，麵包亦都有好香蒜蓉味，切開一半一人一舊好快就KO左喇！沙律揀左精選主廚沙律，作為沙律都算係好豐富下，有蛋有火腿仲加多左兩條麵包條。沙律唔算太特別，以清新為主啦！意式野菌長通粉嘅通粉係大條嘅通粉，作為主食意粉嘅份量好似少左d 。不過食落都好creamy ，又有野菌放左喺面，都唔錯。Pizza 揀左四式芝士薄餅同埋瑪嘉麗塔皇后薄餅。由於兩個pizza嘅重點都係芝士，食嘅時候都唔係好分到兩種piz
最後都係難免要搵商場野食，要有得訂枱同埋唔限時，最終搵到去Pizza Express！佢用商場apps可以訂枱同confirm，全程都係電子化真係方便又快捷。
一行六人叫左一個四人餐再另加意粉同埋雞翼。四人餐有2個頭盤+1個沙律+2款薄餅+1款意粉同埋4杯汽水嘅！
頭盤叫左蒜蓉包同埋清新南瓜蓉薄荷沾醬，南瓜蓉配埋麵包球一齊食嘅！一向都知道佢嘅麵包球配南瓜蓉沾醬係好食嘅，今次亦都唔例外，而且細細球嘅麵包亦都方便大家分嚟食！
清新南瓜蓉薄荷沾醬
30 views
0 likes
0 comments
蒜蓉包我就第一次試，賣相就麻麻地，個面望落有d油，好彩食落唔會覺得太油，麵包亦都有好香蒜蓉味，切開一半一人一舊好快就KO左喇！
蒜蓉包
28 views
0 likes
0 comments
沙律揀左精選主廚沙律，作為沙律都算係好豐富下，有蛋有火腿仲加多左兩條麵包條。沙律唔算太特別，以清新為主啦！
精選主廚沙律
17 views
0 likes
0 comments
意式野菌長通粉嘅通粉係大條嘅通粉，作為主食意粉嘅份量好似少左d 。不過食落都好creamy ，又有野菌放左喺面，都唔錯。
意式野菌長通粉
12 views
0 likes
0 comments
Pizza 揀左四式芝士薄餅同埋瑪嘉麗塔皇后薄餅。由於兩個pizza嘅重點都係芝士，食嘅時候都唔係好分到兩種pizza嘅味道有咩大分別。加上餐廳入面都好嘈，我亦都唔係真係好聽到待應放低兩個薄餅時候嘅介紹，所以只係知道係芝士薄餅 =.=
兩個薄餅都有濃濃芝士味，岩晒成家人都食芝士嘅我地，每個薄餅每人一塊岩岩好分晒佢。
11 views
0 likes
0 comments
7 views
0 likes
0 comments
另外再加多個卡邦尼意粉同埋雞翼，始終人多一個四人餐點都係唔夠食嘅！
卡邦尼味道唔錯不過賣相就麻麻地，加上佢隻碟都好大隻，顯得意粉嘅份量好少。芝士味係夠嘅，不過意粉嘅量多番少少應該會好睇d！
卡邦尼意粉
5 views
0 likes
0 comments
雞翼上枱唔夠一陣已經食晒，相都影唔切！可能呢個餐叫得太少肉，男人們見到肉就忍唔住要搶食，所以好快就無晒喇！
總結成個四人餐其實都有好多麵包類嘅食物，如果本身唔太鍾意食包可能直接散叫會好d。
另外，雖然餐廳無限時，不過入到去發覺餐廳嘅樓底係比較矮，所以入面嘅聲音唔係好散到，餐廳入面感覺比較嘈，想再留耐少少都覺得有d頂唔順，所以雖然佢無限時，都唔係坐得太耐就走喇！
Post
