茶米 (太古廣場) (Closed)

今日係金鐘附近工作，約了閨蜜係PP食午餐。本來打算食shake shack，見到茶米，又未去過，就決定試試。午餐餐牌就得set，似乎沒有散叫呢個option。set每日不同，有5-6個主食選擇，4-5個小食選擇。價錢$158，包主食小食同飲品（豆漿/涼茶）各一。如果飲kiki茶特飲，仲要加$18。主廚set就有兩個選擇，就$168。價錢來講，就真係有d貴，但難得來，就決定照試試。我地兩個都揀了主廚套餐（$168）的川味牛肉麵小食就分別揀左皮蛋豆腐用kiki棒棒雞，原來仲有前菜係蜜漬小蕃茄。我飲小芋圓奶茶（加$18），朋友飲豆漿。食物來說，牛肉麵屬正常味道，麵就係kiki麵的幼麵。但說好的川味就無乜，可以說是完全不辣的，但有見到辣椒皮。皮蛋豆腐就係一磚百福豆腐加皮蛋，d汁味道ok。棒棒雞我覺得味道最驚喜，不辣，但好香！芋圓奶茶的小芋圓真係有芋頭味，不錯！整體食物水準ok，cp值一般。但今日正值午飯時間，環境極級嘈雜，比茶餐廳還要嘈。如過我下次再來，我應該不會再揀lunch hour。