Video
Read full review
2021-09-04
1163 views
元朗國美食多不勝數，今次要介紹嘉兵衛，一間日式家庭料理小店🙆🏻♀️小店座位唔多，如果想食嘅話，記得要提早打去book位啊！今次食咗咖喱吉列豬飯🐖（$92），吉列豬雖然炸得好脆，但咬落口感有啲韌同乾，咖喱唔辣，不過比較稀，朋友話啲飯浸落去有啲似食粥🤭反而溫泉蛋鍋燒牛肉烏冬（$86）就幾有驚喜！牛肉嘅份量都算多，烏冬好有咬口，仲有腐皮同一小塊嗚門卷🍥個湯清清地，都幾好食！小店仲可以加定食（+$20），每個定食都會配備味噌湯同沙律。味增湯唔係用味噌醬就咁加水，係好似媽媽煲嘅湯🤤裏面仲有啲蔬菜（紅蘿蔔、洋蔥、菇）同少少豚肉，令味噌湯帶點清甜，欣賞！另外，仲會有一碗小小嘅沙律🥗，蟹柳同沙律菜，沙律菜非常新鮮爽口👍🏻總括而言，之前聽過呢間評價幾高，不過食完覺得價錢真係偏貴，性價比唔算話太高！不過對日式料理有興趣嘅朋友仔，都可以去試吓！💛.推薦指數：🍲🍲🍲（3/5）
元朗國美食多不勝數，今次要介紹嘉兵衛，一間日式家庭料理小店🙆🏻♀️小店座位唔多，如果想食嘅話，記得要提早打去book位啊！
今次食咗咖喱吉列豬飯🐖（$92），吉列豬雖然炸得好脆，但咬落口感有啲韌同乾，咖喱唔辣，不過比較稀，朋友話啲飯浸落去有啲似食粥🤭反而溫泉蛋鍋燒牛肉烏冬（$86）就幾有驚喜！牛肉嘅份量都算多，烏冬好有咬口，仲有腐皮同一小塊嗚門卷🍥個湯清清地，都幾好食！
小店仲可以加定食（+$20），每個定食都會配備味噌湯同沙律。味增湯唔係用味噌醬就咁加水，係好似媽媽煲嘅湯🤤裏面仲有啲蔬菜（紅蘿蔔、洋蔥、菇）同少少豚肉，令味噌湯帶點清甜，欣賞！另外，仲會有一碗小小嘅沙律🥗，蟹柳同沙律菜，沙律菜非常新鮮爽口👍🏻
總括而言，之前聽過呢間評價幾高，不過食完覺得價錢真係偏貴，性價比唔算話太高！不過對日式料理有興趣嘅朋友仔，都可以去試吓！💛
.
推薦指數：🍲🍲🍲（3/5）
Post
