Video
Read full review
2022-10-23
6153 views
睇廣告見到嘉多娜出開心果泡芙，每日4:30新鮮出爐限量一百個。每人限買兩個。今日4:20去到，已經排咗一條長長嘅人龍，數一數大概有四十人🫣咁都應該買到嘅。今日佢仲整哂原味布甸泡芙，布甸包，朱古力布甸包出黎，一次過可以買哂咁多款，順便買埋俾屋企人😂滿載而歸。🔸朱古力布甸包(💰20)(8/10)有一層厚厚嘅朱古力，上面仲有一塊仔金箔🤭唔知以為好名貴咁。朱古力底下係原味布甸，兩溝比淨原味好食！不過個包太韌啦，有啲影響口感。🔸開心果泡芙布甸(💰25)(8/10)同原味泡芙一樣都係外脆，面頭多咗一層開心果碎。外層都好香開心果味，而入面嘅開心果味布甸醬同之前一樣都係毫不吝嗇，不過我就鐘意食原味多啲。因為開心果味唔夠香，有啲兩頭唔到岸。原味香啲滑啲。同埋佢真係每日出一百個，排到我時得返十幾個咋，爭啲就買唔到😆行到出鋪頭，仲有一條長長嘅人龍。想食可能要平日去買，或者等遲下無咁多人先買。Ballball試完咁多款之後，最喜歡1️⃣泡芙布甸(8.5/10)2️⃣開心果泡芙布甸(8/10)、朱古力布甸包(8/10)3️⃣原味布甸包(7.5/10)
今日佢仲整哂原味布甸泡芙，布甸包，朱古力布甸包出黎，一次過可以買哂咁多款，順便買埋俾屋企人😂滿載而歸。
🔸朱古力布甸包(💰20)(8/10)
有一層厚厚嘅朱古力，上面仲有一塊仔金箔🤭唔知以為好名貴咁。朱古力底下係原味布甸，兩溝比淨原味好食！不過個包太韌啦，有啲影響口感。
🔸開心果泡芙布甸(💰25)(8/10)
同原味泡芙一樣都係外脆，面頭多咗一層開心果碎。外層都好香開心果味，而入面嘅開心果味布甸醬同之前一樣都係毫不吝嗇，不過我就鐘意食原味多啲。因為開心果味唔夠香，有啲兩頭唔到岸。原味香啲滑啲。
同埋佢真係每日出一百個，排到我時得返十幾個咋，爭啲就買唔到😆
行到出鋪頭，仲有一條長長嘅人龍。想食可能要平日去買，或者等遲下無咁多人先買。
Ballball試完咁多款之後，最喜歡
1️⃣泡芙布甸(8.5/10)
2️⃣開心果泡芙布甸(8/10)、朱古力布甸包(8/10)
3️⃣原味布甸包(7.5/10)
Post
