嘉發小食

Open Now

Now Closed

大隻仔今次覓食嘅店舖就係💥 嘉發小食 💥 「嘉發小食」重開造成好大回響，大隻仔上個星期慕名跑到元朗試食嘉發既名物 - 加厚格仔餅。餐廳位置都好方便就喺元朗千色店隔離。當日大隻仔排第六個，因為好多order，餐廳做唔切雞蛋仔同格仔餅，所以大隻仔等咗20分鐘先可以落單，落完單要再等15-20分鐘先拎到格仔餅。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 嘉發格仔餅 加厚加花生碎 $20格仔餅雖然係即叫即製，但唔係好熱，所以入面嘅餡料，牛油、煉奶、花生醬、砂糖都冇完全溶晒，再加入花生碎，食落比較乾，影響口感，味道一般。反而，餅皮做得幾出色，好鬆軟，加厚左既格仔餅都做到外脆內鬆軟，而且冇麵粉既「罕味」，呢點抵讚。