沙嗲軒 (中港城) (Closed)

三個人叫左份母親節套餐，諗住抵d，包左三款前菜，海南雞，大蝦，鴛鴦肉骨茶，炒蘿蔔糕同飲品。落單時就問咩係鴛鴦肉骨茶啦，侍應話係白色新加坡胡椒味果種，咁無問題啦，反正㨂呢間都係為左食新加坡口味。落完單，好快出左份餐前小食 - 蝦片，都不太差。跟住送上三碗油飯，明明無叫，難道係送？定餐包左？無深究！繼續等其他餸出。跟住上到肉骨茶，係深啡色藥林味的馬拉口問，簡直係騙案！繼續同朋友一路食一路，侍應上左份胡椒蟹，同枱人都好興奮，立即手機先食，影左4-5分鐘，動筷子夾左落隻蟹度時，侍應就話出錯左，我地果碟應該係胡椒蝦，跟住收番并送去另一枱，但見住d筷子掂/插落隻蟹度，超嘔心呢！唔知邊個客人將要食我地的口水了⋯嘔～ 食左成晚，無樣有新加坡風味，得個蝦較似新加坡味，但都好乾好鞋肉。到埋單時，發現果3碗油飯係價值84蚊，但我地三個人根本無叫過，夾埋先食左半碗飯，但無計，食左，只好照俾錢，但感覺好似俾人老屈左呃錢咁。算！堅無下次！唔知食左口水尾的客人會否有另一番風味呢？！