Video
Read full review
2021-03-14
1642 views
星期六午餐有兩輪，11:30-1:00 同1:30-3:00，我地一早book左1:30，都有幾多人，大概7-8成坐滿，一坐低會有welcome drink- 洋蔥蜜糖茶，好大陣洋蔥味甜甜地，幾特別，不過淺嚐下就夠😙。我同朋友鍾意食點心，見佢拎左一星，就走黎試下水準。枱上面有盒小食-合桃，食落幾香脆，唔會有苦澀味，唔錯，都幾大盒，邊食邊飲茶等點心黎。茶呢我地叫左龍井，淡淡嘅茶味，有少少甘甘地（茶位$30/位）我哋覺得都可接受。點心叫左：蝦餃（$90）賣相幾好，餃皮煙韌，味道都唔錯雞札（$90）味道ok，同外面唔同在裡面有帶子叉燒包（$90）個人覺得叉燒餡略甜瑤柱燒賣（$90）比平時嘅燒賣...入口多左陣陣瑤柱香味小籠包（$90）皮做得好，夠薄，餡料味道就普普通通鮑魚酥（$148）撻皮牛油味十足，入口鬆化，鮑魚整得好焾，好易咬開，究竟點做到🤔？整體唔錯嘅。龍蝦湯粒粒烏冬（$138）粒粒有帶子，蝦同蟹肉，龍蝦湯無平時西餐咁濃，但都好味擔擔麵（$138）好好味，湯底夠濃厚，好nutty，麵整得啱啱好，軟硬適中😋👍🏼👍🏼食物整體唔錯，但令我哋印象最深刻就係呢個好似平平無奇嘅麵，平平無奇到唔記得
我同朋友鍾意食點心，見佢拎左一星，就走黎試下水準。
枱上面有盒小食-合桃，食落幾香脆，唔會有苦澀味，唔錯，都幾大盒，邊食邊飲茶等點心黎。
茶呢我地叫左龍井，淡淡嘅茶味，有少少甘甘地（茶位$30/位）我哋覺得都可接受。
點心叫左：
蝦餃（$90）
賣相幾好，餃皮煙韌，味道都唔錯
雞札（$90）
味道ok，同外面唔同在裡面有帶子
叉燒包（$90）
個人覺得叉燒餡略甜
瑤柱燒賣（$90）
比平時嘅燒賣...入口多左陣陣瑤柱香味
小籠包（$90）
皮做得好，夠薄，餡料味道就普普通通
鮑魚酥（$148）
撻皮牛油味十足，入口鬆化，鮑魚整得好焾，好易咬開，究竟點做到🤔？整體唔錯嘅。
龍蝦湯粒粒烏冬（$138）
粒粒有帶子，蝦同蟹肉，龍蝦湯無平時西餐咁濃，但都好味
擔擔麵（$138）
好好味，湯底夠濃厚，好nutty，麵整得啱啱好，軟硬適中😋👍🏼👍🏼
食物整體唔錯，但令我哋印象最深刻就係呢個好似平平無奇嘅麵，平平無奇到唔記得幫佢影相...
食完有甜品😙～桂花糕唔錯
另外要一提嘅係：員工好貼心，服務一流👍🏼
食物款款都有質素，但我地覺得想食點心嘅話，外面會有更多選擇。麵食真係推薦，尤其係擔擔麵。下次再黎要試下啲小菜。
Post
