悅木 (Closed)

今晚去過兩間餐廳，都因為唔同原因無食到走咗，最後去到呢間悅木。兩個細食嘅嘢叫咗一個小食拼盤同沙嗲牛肉河。等咗陣，小食拼盤送到，我哋由自己唔鍾意嘅嘢食食起...我嘅選擇係：蒸粉包 - 蟹肉金磚 - 春卷 - 蝦片豬肉，但食完之後真係要重新排過：最好味係蒸粉包 - 蝦片豬肉 - 春卷 - 蟹肉金磚。原來蒸粉包係最好味，皮薄餡多，仲有香葉味，非常好味。而蝦片豬肉因為留到最後先食，所以蝦片已經＂淋＂咗，但依然好惹味；春卷有用生菜包住食，但無咩味道，比普通嘅春卷仲要普通；蟹肉金磚...無話可說，如果唔係睇番個餐牌，根本唔知係蟹肉，顏色味道賣相完全同蟹拉唔上關係。另外仲食咗沙嗲牛肉河，OK，只係湯面比較多油。