臻一鮨 (Closed)

去左尖沙咀同朋友行街，見到重慶大廈開左個新既地下商場，入面有唔少餐廳，見到呢間日本野岩岩新開，緊係要去嘗鮮。餐廳有好多吧位同卡位，坐得都幾舒服。鹽燒油甘魚鮫 $128油甘魚燒得好香脆，而且唔會好乾身，食完啖啖都係油香味，又唔會死咸，仲係大大件，幾抵食。特上壽司盛(八貫) $228壽司盛分別有吞拿魚，三文魚，油甘魚，八爪魚，赤蝦，北寄貝，帆立貝同馬刀貝，基本上每一樣都好新鮮，而且每塊刺身都係好厚身唔會太薄，八件已經好夠食。炸魷魚鬚 $48魷魚鬚炸得好香脆，調味都好適中，口感亦都好彈牙，佐酒一流。炸芝士年糕(4粒) $48呢個年糕炸得好好，佢個外層鬆脆得黎又唔會太薄，年糕好煙韌，入面既流心芝士好香，超級好食。