辣妹來了 (Moved) New Location

今日去左葵涌廣場試下尼間麻辣燙，之前因為趕時間所以冇食到，今次終於可以試下啦！佢有自選麻辣燙同重慶酸辣粉選擇，今次點左自選麻辣燙，叫左蓮藕片、炸腐竹、蘿蔔、金菇、響鈴、娃娃菜同薯粉，要左小辣。未食嘅時候就已經聞到好香嘅麻辣湯味，佢個湯底好夠味，夠辣，而且每樣餸都吸收晒麻辣湯嘅精華。佢嘅蘿蔔好甜但係有渣。另外，每樣餸嘅價錢都係好平，而且餸嘅種類都多，值得一試。個人諗為蓮藕片、娃娃菜、同薯粉都係必叫。