竹家莊

Open Now

Now Closed

位於左敦嘅竹家莊，第一次去食，餐廳都幾逼夾下，我地八個人要坐中間長枱，都幾逼下，啲嘢食都好貴下，68蚊一隻扇貝，30蚊一兩蝦，48蚊兩瀨尿蝦，50蚊兩蟹，我地叫咗椒鹽泥鯭，白灼花螺， 白灼魷魚，炒飯和芥蘭，一隻大蟹，四隻瀨尿蝦；椒鹽泥鯭，食落都唔錯都仲好脆下，連骨都可以食埋；花螺都新鮮，搽甜醬食都幾鮮甜； 白灼鮮魷 ，中規中矩 炒飯和芥蘭就真係一般，同埋都幾細碟吓；避風塘炒大蟹都算可以，風味都唔錯；椒鹽瀨尿蝦，就炒得幾惹味，都算大大隻，一隻開三舊，埋單三千幾，都無乜嘢食咗噤！坐得唔舒服，嘢都算好食，但比較貴，只係服務員都幾好招呼，都算食得開開心心！