郭仔記車仔麵

Open Now

Now Closed

嗰日見肚餓，想食車仔麵就入咗去，平時都覺得麻麻地但有下午茶再入去試吓，下午茶去到6點，當時還有3分鐘，我知道有些餐廳過時會入唔到機，於是嗱嗱臨問收銀有咩茶餐揀，佢同我講只係送嘢飲，之後坐低咗發現有30幾蚊茶餐，於是我同個阿姐反映佢話好忙唔得閒理我，當然野食麻麻哋，仲要條菜心壞左好苦，俾錢嘅時候我同佢哋講，其實我唔介意比正價但係你唔應該呃我冇下午茶餐，個收銀聽到話佢好唔高興，之後另一個阿姐就話當時6點咁多人入嚟邊度理到咁多，我話咁都唔係我嘅錯，跟住佢冇聲出，之後好唔願意話幫我減錢，我話唔使，10幾蚊，我仲畀得起唔會受你氣，我一定會同朋友分享，以後唔會再嚟，呢啲咁嘅服務不如唔好做