泰COOL (彌敦道) (Closed)

嘢食唔錯，但係一如以往個地癡粒粒因為唔係太肚餓，所以嗌左一個午巿套餐同一個小食拼盤。午巿套餐嗌左豬手飯，係唔錯嘅，但係啲豬手汁唔夠，未食晒已經乾晒。仲要嗌左個小食拼盤，豬頸肉幾好食，啲串燒燒到好乾，好硬。套餐跟一杯嘢飲，嗌咗熱朱古力，正常餐跟嘢飲嘅朱古力，好淡。不過好奇怪飲咗兩啖唔知點解杯朱古力有粒類似杞子嘅物體喺度，唔知係上一手用完無洗杯定泰國真係會加粒杞子落熱朱古力到。覺得好嘔心，所以差唔多成杯都冇飲。嚟咗幾次佢哋都係癡粒粒。間鋪冇乜客，有好多吉枱，但係兩個人拎住咁多嘢都唔俾坐四人位。