So Bar (Closed)

次次經過尖沙咀呢條街就會見到有一間環境唔錯嘅酒吧，原來佢係同蘇媽蘇媽share同一間舖頭。餐廳有分室外同室內，氣氛都幾好。燒豬頸肉呢個燒豬頸肉好抵食，佢份量都幾多，肉質軟腍嘅豬頸肉，經過燒之後，出邊脆脆哋，如果想惹味啲可以點吓佢嘅辣醬。炸饅頭配咖央好少酒吧有呢啲小食，佢嘅咖央真係好香，饅頭炸到脆卜卜，但又唔會太油，唔錯。BBQ汁燒豬肋骨呢個燒豬肋骨嘅份量都好大，佢另外會配上薯角同埋一啲蔬菜等等，佢每條骨都好厚肉，食落去真係啖啖肉，以咁嘅價錢嚟講真係好抵食。另外嗌咗兩杯mocktail，上枱見到個樣都已經知道有水準。Sunset呢杯用咗桃泥、橙汁、蔓越莓、糖漿檸檬汁、蘇打水等去調製，桃味為主調，味道清新。Kumquat Mojito另外呢一杯就好有驚喜，佢竟然用上咗鹽醃金橘配自製新鮮薄荷蘇打水等，又幾夾同埋味道都平衡得幾好，值得一試。