Dood Bottega Gelateria (Moved) New Location

呢排同事係咁問點解我唔鍾意食雪糕同gelato, 其實我又真係比較少食，一嚟女仔成日驚嗰幾日痛就食少啲凍嘢，二嚟，我好驚食到成身都係，反正就真係無咩好鍾意食雪糕，比起雪糕，我會寧願食甜品/蛋糕，個人喜好嚟。不過，我係開心果控，有開心果嘅product 我都會去食吓，好鍾意嗰種堅果嘅味道。知道有間gelato 有呢隻味，我就二話不說去到灣仔試下，揀咗開心果同埋蜜瓜味，蜜瓜雪糕又係另一隻有情意結嘅嘢。呢個就唔係嗰隻食開呢蜜瓜味嚟，可能因為係美國蜜瓜，佢比較清香同淡甜咁嘅味，唔識點形容，有啲甘甜嗰信甜，anyway, 我本身就麻麻呢隻蜜瓜味，但撞落隻開心果，個味又唔同啲，幾特別，好似係蜜瓜嘅清新會帶岀開心果嘅鹹同堅果嘅味道，不得不讚佢係我最近食過最濃烈開心果味嘅開心果副產品，如果你鍾意食開心果你一定會好開心，因為佢個味道就真係好似你食緊開心果咁，exactly 一樣，但同時帶點甜，亦無平時食完開心果嘅熱氣😂我覺得可以一試。