法式餅店

Open Now

Now Closed

數碼港入面嗰幾間餐廳都差唔多試過晒，佢個位置喺停車場扶手電梯上去，一入商場，地產舖隔離，次次經過以為佢係間Cafe，飲吓嘢，食吓甜品咁，原來佢有意粉叫，諗住求其一試嘅心態，冇諗過啲嘢咁好食，首先叫咗一個沙律，個沙律冇乜特別，跟住一個肉醬意粉，跟住一個虎蝦辣意粉，嗰兩個意粉係出奇地好味，我老公係一個肉醬意粉迷，佢竟然話呢個意粉係佢食過最好食，話以後會特登入嚟食佢個肉醬意粉，我個虎蝦辣意粉都好味，個虎蝦係爽嘅，意粉亦都入味軟硬適中，由於太好味，最後食埋個甜品，但係選擇唔多，唔知係咪因為賣晒？最後叫左一個藍莓mini cake同cheesecake，我估蛋糕會唔會係佢哋比較出名嘅？希望下次嚟可以多啲款式揀，想試佢嘅朱古力波