老夫子餐館 (Closed)

主題餐廳的主角大多數是日系公仔，沒想到以前細細個成日睇嘅「本地薑」老夫子都有主題餐廳！仲要不是Hea Hea下，看得出老闆的用心，鋪入門口就見到大大個老夫子，沿着樓梯上到二樓，會見到更多展品，如漫畫、陶瓷公仔、周邊商品，更有不少影相位，啱晒鍾意影相的朋友仔。很多主題餐廳剩是注重於裝潢上而忽略了食物質素，這褢則兩邊都兼顧到，餐牌是老夫子「嘜頭」，每樣食物都是以漫畫的不同標題而起，如「坐享其成」是「瑞士汁炒河」、「皆大歡喜」是「焗葡國雞飯」，在點餐時都不禁笑了。兩個人各點了蜆肉意粉、葡國雞焗飯以及乳鴿，水準在預期之上，尤其是乳鴿滷得很是入味，肉質不算太嫩，尚可接受，皮倒是滿脆的。蜆肉意粉中規中矩；葡國雞焗飯誠意大足，足料又多汁，飯仲係炒底，非常滿足。最後還點了杯水果茶，擺盤盡顯心思，附上一隻小杯給你倒入果茶，慢慢品嘗其滋味，不錯不錯。以後有海外朋友來港時，可以推薦他們到這間充滿本土特色而食物又是美味的餐廳。