鮨豊 (Closed)

每次去日本都會食一次omakase。係香港反而唔係太敢食，主要怕啲食材唔夠新鮮。睇見好多review都話呢間餐廳性價比高，就同朋友一齊去試下。訂左壽司吧枱，枱面既setting唔錯。因為小妹怕腥，所以同師傅講左唔食內臟。師傅整左安康魚肝叫我試下，小妹都叫做勉強可以接受，雖然唔係生既，但係都係掩蓋唔到內臟嘅味道。凍蕃茄好甜，擺盤唔錯，好有日本格調。每件壽司都係用日本醋米飯，比起香港一般既醋飯特別，可惜就係可能水份多左啲，飯粒同飯粒中間空隙太大，壽司夾起既時候有啲鬆散。🙄本身以為係我個人問題，但眼見朋友都有呢個問題，大概就可以斷定係當晚既壽司飯出既問題。壽司吧師傅冇主動講解壽司既配料，每次都係朋友問、師傅答。比起日本試過既omakase, 咀刁既小妹認為仲有啲距離，有進步既空間。另一方面基於網絡評價相當高，導致充滿期望、滿心歡喜既小妹對小店反而有啲失望。