Video
Read full review
2017-08-29
53 views
同朋友在數碼港睇完戲, 在數碼港商場內閒逛, 順便在數碼港食個晚飯再返歸, 估唔到我哋食飯這間日本餐廳手勢相當唔錯, 而且價格相宜, 真是好食又抵食. 數碼港商場人流唔算多, 但給人的感覺非常的舒適, 唔似香港其他商場咁到處是人頭涌涌, 而且這商場內空間非常高, 讓人感覺到好relax, 而且商場外面有一大片草地對住一望無際的大海, 絕對係個休憩的好地方, 今次俾我在商埸內搵到間好食肆, 我諗我日後來數碼港商場的次數會更加多, 因為行下商場, 食下靚嘢, 再坐在草地上對住個靚海景吹吹風, 哇, 簡直係會流連忘返. 商場裡面嗰間非常好食的日本餐廳叫”奧壽司”, 裡面餐枱的摆設較為疏落, 唔怕逼, 座得好舒服. Menu內有好多款的食物可以選擇, 有魚生, 有壽司, 有日本拉面, 有日式咖哩飯, 有燒物等等好多款式, 好多嘢都想食, ha ha ha... 首先上來的是魚生拼盤, 有拖羅, 有三文魚, 吞拿魚, 池魚, 生蠔…… D魚生好好味呀! 三文魚鮮甜, 拖羅肥美, D生蠔加了些秘制醬汁, 帶出生蠔的鮮甜, 一啖倒落口, 滿口都是蠔的鮮甜, 好美味! 跟住的一道三文魚他他好開胃, 一
數碼港商場人流唔算多, 但給人的感覺非常的舒適, 唔似香港其他商場咁到處是人頭涌涌, 而且這商場內空間非常高, 讓人感覺到好relax, 而且商場外面有一大片草地對住一望無際的大海, 絕對係個休憩的好地方, 今次俾我在商埸內搵到間好食肆, 我諗我日後來數碼港商場的次數會更加多, 因為行下商場, 食下靚嘢, 再坐在草地上對住個靚海景吹吹風, 哇, 簡直係會流連忘返.
商場裡面嗰間非常好食的日本餐廳叫”奧壽司”, 裡面餐枱的摆設較為疏落, 唔怕逼, 座得好舒服. Menu內有好多款的食物可以選擇, 有魚生, 有壽司, 有日本拉面, 有日式咖哩飯, 有燒物等等好多款式, 好多嘢都想食, ha ha ha...
首先上來的是魚生拼盤, 有拖羅, 有三文魚, 吞拿魚, 池魚, 生蠔…… D魚生好好味呀! 三文魚鮮甜, 拖羅肥美, D生蠔加了些秘制醬汁, 帶出生蠔的鮮甜, 一啖倒落口, 滿口都是蠔的鮮甜, 好美味!
跟住的一道三文魚他他好開胃, 一片片肥厚適中的，又略略燒熟的三文魚加特制洋蔥絲, 夾住一齊食, 三文魚肥厚嫩滑, 洋蔥絲用特有的醋醃制過, 酸酸地又甜甜地, 同三文魚的味道好夾, 非常好食!
跟住上來的燒物我全部都好鐘意食, 有燒牛脷, 有燒免治雞肉串, 燒三文魚頭, 牛脷爽口, 上面仲有些黑胡椒粒, 非常香口, 食一串根本唔夠喉, 要encore! 燒免治雞肉串都一樣, 太好味道! 一條免治雞肉點上他們的醬汁再撈落D流心蛋度, 哇! D味覺先甜後爽再就是香, 免治雞肉內應有些雞軟骨, 食落口有些爽的口感, 越嚼越香, 這個免治雞肉串都是要encore. 燒三文魚頭都是好味道, 三文魚頭燒到外皮微燶, 外脆內軟, 鐘意吮骨的我食到津津有味!
仲有仲有, 好經貴的鵝肝多士都有得食呀! D鵝肝兩邊煎到金黃, 未食已聞到鵝肝的香味, 再加上脆卜卜的多士, 一口咬落去, 下層的多士鬆脆, 上層的鵝肝香軟, 咬一口, 滿口都是鵝肝特有的香味, 而且香味四溢, 充滿整個口腔, 鵝肝同多士簡直是絕配, 食完吞咗落肚, 個口裡面仍然有鵝肝的香味在徘徊, 超好味道!
最後都值得一贊的是他們的炒飯, 我們叫了個鮮蟹膏炒飯, D飯裡面有些鮮帶子, 加埋香蔥, 仲有精華是鮮蟹膏, 用放在飯正中的鮮蟹膏撈勻的炒飯, 海膏的鮮令到炒飯零舍香口, 令人可以食不停口.
真係好鐘意這間餐廳的食物, 今天食的嘢, 樣樣都好食, 它有咁多款菜式, 我可以次次來食唔同的嘢, 好開心搵到個心儀的餐廳!
Post
