Video
Read full review
2021-09-01
538 views
喺半路咖啡發生啲非常唔愉快嘅事😵💫半路咖啡都開咗一段時間又有幾間分店，我知道呢間cafe嘅餐具富有香港上世紀復古風格，好有特色，佢哋嘅咖啡亦都好出色，所以去朝聖，唔飲咖啡嘅我都落單叫一杯咖啡試吓飲🥸因為我想坐得耐少少，但係又想喺九龍區，就揀咗去何文田嗰間，空間大啲，又冇人會企喺外面等位👍🏻意粉好食，我朋友飲開咖啡都話呢度咖啡真係好好飲，而家講正題本身我同我朋友兩個人嚟呢度，我哋食完野、飲完野之後，有另一個朋友話過嚟，咁我哋幫佢叫定一杯咖啡，咖啡上台時，佢仲未到，遲嚟嗰位朋友到場佢有飲杯咖啡，佢坐咗一陣，有位女職員比餐牌佢睇，都冇問題嘅，咁都係俾佢睇吓有冇啲咩想叫，我朋友冇嘢想叫，都係過嚟坐一陣就走到我哋走埋單嘅時候，個女職員話遲嚟嗰位朋友冇叫嘢食同叫嘢飲，我哋話叫咗三杯咖啡，遲叫嗰杯咖啡係佢未嚟幫佢叫定，你哋個女職員仲堅持話遲叫個杯咖啡，係我哋原先坐係度嗰兩位人士飲，你睇唔到就咪亂講啦，舖頭有閉路電視你咪去睇囉😤😤😤仲有如果最低消費每人一杯嘢飲，數目都已經夠數，仲要執着係邊個人飲邊杯，如果遲黎嗰位朋友佢嘢飲都唔想飲或者唔舒服，淨係坐，我哋都已經叫夠飲品數目，咁多年嚟我幫襯餐廳都未試過
半路咖啡都開咗一段時間又有幾間分店，我知道呢間cafe嘅餐具富有香港上世紀復古風格，好有特色，佢哋嘅咖啡亦都好出色，所以去朝聖，唔飲咖啡嘅我都落單叫一杯咖啡試吓飲🥸
因為我想坐得耐少少，但係又想喺九龍區，就揀咗去何文田嗰間，空間大啲，又冇人會企喺外面等位👍🏻
意粉好食，我朋友飲開咖啡都話呢度咖啡真係好好飲，而家講正題
本身我同我朋友兩個人嚟呢度，我哋食完野、飲完野之後，有另一個朋友話過嚟，咁我哋幫佢叫定一杯咖啡，咖啡上台時，佢仲未到，遲嚟嗰位朋友到場佢有飲杯咖啡，佢坐咗一陣，有位女職員比餐牌佢睇，都冇問題嘅，咁都係俾佢睇吓有冇啲咩想叫，我朋友冇嘢想叫，都係過嚟坐一陣就走
到我哋走埋單嘅時候，個女職員話遲嚟嗰位朋友冇叫嘢食同叫嘢飲，我哋話叫咗三杯咖啡，遲叫嗰杯咖啡係佢未嚟幫佢叫定，你哋個女職員仲堅持話遲叫個杯咖啡，係我哋原先坐係度嗰兩位人士飲，你睇唔到就咪亂講啦，舖頭有閉路電視你咪去睇囉😤😤😤
仲有如果最低消費每人一杯嘢飲，數目都已經夠數，仲要執着係邊個人飲邊杯，如果遲黎嗰位朋友佢嘢飲都唔想飲或者唔舒服，淨係坐，我哋都已經叫夠飲品數目，咁多年嚟我幫襯餐廳都未試過發生啲咁嘅事，唔好話我問題，如果呢樣嘢發生喺其他人身上，我相信其他人都會嘈，人哋已經叫夠咁多個數目你又理得邊個飲邊個食、邊個食邊樣邊個飲邊杯。有時一齊坐埋黎食嘢，有啲人食得多，有啲人食得少，可能有人唔舒服，唔想食，咁總之叫夠數咪得囉😒😒😒
我唔知咁樣做係呢一間何文田店嘅政策定係四間半路咖啡店都係咁樣嘅做法，如果係嘅，我都對你哋餐廳幾失望下，講真餐廳環境、餐具、嘢食樣樣都好高分，但係會有啲咁嘅事發生，我都打咗個突，仲衰過嘢食唔好食、嘢飲唔好飲，呢次仲要係我朋友請埋我個份，係我話想去呢間Cafe☹️☹️☹️
Post