有間本舖 (Closed)

又係古早味蛋糕🍰越開越多。真係食極都唔厭，當早餐、下午茶一流～去到嘅時間有幾款蛋糕出爐：有原味、抹茶紅豆味、蜂蜜蔓越莓味及黃金芝士味～揀左兩款～蛋糕新鮮熱辣辣😎每個蛋糕面上都有鋪頭嘅雞仔logo印，好得意～▶️ 原味$60蛋糕大大件，幾鬆軟，味道蛋白味較重，清清地，甜度適中🤓▶️ 抹茶紅豆$75抹茶味好濃好香，仲有紅豆粒。呢隻味道較原味結實，蛋糕好濕潤，比較容易散。要小心拎同切🙂兩大件真係有排食！