Video
Read full review
2013-08-12
7084 views
一般黎講, 2個人去食中菜真係有d難度, 因為好難叫餸, 叫得多又食唔哂, 叫得少又好似好少選擇, 不過今次朋友仔話同我試下呢間~~~富家粵菜,聽聞係阿一個徒弟開架噃...去試下囉 (笑)。去到見到牆上真係有阿一個嘜頭 xdddd呢到2個人食既好處就係可以咁樣叫餸...哈哈 ! 蒜蓉粉絲蒸扇貝, 一人一隻...嘩, 好多粉絲啊, 好中意啊 ! d粉絲吸哂d蒜同湯汁, 好鬼好味, 隻帶子都幾新鮮啊, 唔錯啊 !陳皮香酥骨好似都幾出名架, 一放上檯...咦...咁乾既... >< 點知一咬入去係另一回事, 入面絕對係juicy, 一層肥一層瘦,炸得岩岩好, 仲有好香既陳皮味, ok喎 !頭抽陳醋煎大花蝦, 拿...隻蝦比我想像中細隻啊 ! 大隻d好啊 (大爆爆爆), 個汁真係做得幾好, 冇話d醋酸到刺喉刺鼻, 有少少甜中和頭抽既咸味, 蝦肉夠彈牙結實, 個頭仲有膏添, 大隻d 好d 囉xddd花膠燉北菇湯, 有少少甘甘地, 又似有DD苦澀, 不過飲得出佢冇味精, 個菇好厚好有肉, 花膠份量唔太多, 你問我既話, 我麻麻地中意呢個湯啦。香煎馬友咸魚配白飯一流, 其實我唔知點解
去到見到牆上真係有阿一個嘜頭 xdddd
呢到2個人食既好處就係可以咁樣叫餸...哈哈 ! 蒜蓉粉絲蒸扇貝, 一人一隻...嘩, 好多粉絲啊, 好中意啊 ! d粉絲吸哂d蒜同湯汁, 好鬼好味, 隻帶子都幾新鮮啊, 唔錯啊 !
陳皮香酥骨好似都幾出名架, 一放上檯...咦...咁乾既... >< 點知一咬入去係另一回事, 入面絕對係juicy, 一層肥一層瘦,炸得岩岩好, 仲有好香既陳皮味, ok喎 !
頭抽陳醋煎大花蝦, 拿...隻蝦比我想像中細隻啊 ! 大隻d好啊 (大爆爆爆), 個汁真係做得幾好, 冇話d醋酸到刺喉刺鼻, 有少少甜中和頭抽既咸味, 蝦肉夠彈牙結實, 個頭仲有膏添, 大隻d 好d 囉xddd
花膠燉北菇湯, 有少少甘甘地, 又似有DD苦澀, 不過飲得出佢冇味精, 個菇好厚好有肉, 花膠份量唔太多, 你問我既話, 我麻麻地中意呢個湯啦。
香煎馬友咸魚配白飯一流, 其實我唔知點解好中意食咸魚, 但喺屋企唔會整, 費事搞到一屋大陣味, 所以多數出去先會食呢d勁野啦。 一見到menu有咸魚, 真係忍唔坐整一件嘆下, 老實講, 唔叫其他餸, 只係呢件馬友我就食一碗白飯啦 xddd
桂花炒魚肚, 另一味就真係好普通, 係炒得好乾身, 不過冇咩特別好味囉, 下次再去可以唔洗叫呢個啊 !
晚餐後會送蛋白杏仁茶, 其實我唔多中意杏仁茶/ 杏霜既味道, 不過佢送既我就試下啦, 第一啖, 好強既杏仁味, 第二啖開始接受, 第三啖食到蛋白絲, 甜度適中, 食食下又幾好味喎, 出奇地我成碗食哂囉。
Post
