花粉熱 (Under Renovation)

生平第一次去花墟，仲要主旨飲咖啡。沿著外圍行，邊賞花邊搵，心裡盤算出嚟去邊間買啲花花返屋企。我要咗Flat White、New York Cheese Cake ($30)。咁啱有人响吧枱走，我就坐低咗喇。Flat White啲泡有啲粗，影完相已開始散。飲落酸澀平衡，有啲嚡，於是我食咗件芝士蛋糕再飲，即刻柔和番。蛋糕口感綿密度普通，但面嘅酸忌廉唔夠中和芝士厚重感，而且碟邊啲焦糖漿有藥水味。間嘢外面賣花人頭湧湧，入到去都好多人行嚟行感覺好嘈好壓迫。採自助型式要自己買嘢食拎埋搵位，收$36一杯啡稍貴。枱面抹唔乾淨。水杯邊有食物殘漬。諗唔到理由再去。之後去其他舖買咗兩束花花走，總算有收鑊。