Video
Read full review
2022-12-24
1272 views
仲未出發旅行, 趁Xmas 食大餐慶祝. 呢間新開嘅係以日本Fusion 料理🇯🇵 行上樓梯兩旁嘅牆身砌出好多日本畫, 幾有特色. 餐廳十分闊落, 裝潢用灰色, 紅色, 金屬色作主調, 幾型格Ozakaya 嚐鮮套餐 $980/位 呢個tasting menu 合共10道菜, 仲有唔少特色cocktail、mocktail、sake 等wine menu. 我哋另外叫左大板市大門濁酒 Sake, 入口好rich 米香同甜味. Ozatini $148呢杯cocktail 用左Sake mix巨蜂提子汁, 好易入口.甜甜的帶提子香, 唔錯枝豆咸香, 上面撒有紫蘇鹽所以又帶淡淡紫蘇香另外仲有燒鱈魚棒, 配上帶有芥末香sauce, 會上癮嘅佐酒小食 埼玉縣果糖番茄日本埼玉縣產🍅 甜度較平時蕃茄高, 配上柚子啫喱就更refreshing. 上面灑有米通同紫蘇花增添口感同香味季節時令刺身、壽司🍣餐廳嘅刺身每日都係新鮮空運到店, 今晚嘅季節時令有四款刺身同四款壽司, 刺身分別厚切油甘魚 、深魚池魚 、拖羅同帆立貝, 帆立貝鮮甜甘美, 油甘魚油脂豐富而池魚魚香味都好濃. 壽司都別出心裁, 除左新
Ozakaya 嚐鮮套餐 $980/位
呢個tasting menu 合共10道菜, 仲有唔少特色cocktail、mocktail、sake 等wine menu.
我哋另外叫左大板市大門濁酒 Sake, 入口好rich 米香同甜味.
Ozatini $148
呢杯cocktail 用左Sake mix巨蜂提子汁, 好易入口.甜甜的帶提子香, 唔錯
枝豆咸香, 上面撒有紫蘇鹽所以又帶淡淡紫蘇香
另外仲有燒鱈魚棒, 配上帶有芥末香sauce, 會上癮嘅佐酒小食
埼玉縣果糖番茄
日本埼玉縣產🍅 甜度較平時蕃茄高, 配上柚子啫喱就更refreshing. 上面灑有米通同紫蘇花增添口感同香味
季節時令刺身、壽司🍣
餐廳嘅刺身每日都係新鮮空運到店, 今晚嘅季節時令有四款刺身同四款壽司, 刺身分別厚切油甘魚 、深魚池魚 、拖羅同帆立貝, 帆立貝鮮甜甘美, 油甘魚油脂豐富而池魚魚香味都好濃.
壽司都別出心裁, 除左新鮮每件壽司仲有特別配搭令味道更富層次. 甜蝦配上咸香蝦醬, 鮫碟魚上面配灸燒過魚邊、赤身加上七味鹽、金目鯛配芥末籽, 好Impressive.
煙燻牡丹海老
店員會係面前打開木蓋, 聞到香而不嗆煙燻香氣. 入面用左櫻花木燻製牡丹蝦刺身配上creamy 細膩北海道帶子慕有點食甜品cheesecake感覺, 最後加有爽口微酸嘅青蘋果莎莎令味道同口感豐層次
海膽多士
多士用左brioche, 外層微脆帶點香甜, 鬆化而唔乾, 頂層掃上松露醬, 加上鮮甜入口即溶嘅北海膽赤海膽, 勁正！
和牛他他
和牛片入口軟腍, 配日本大根絲同阿根廷青醬, 帶點微辣口感, 有一點似四川牛𦟌感覺
車海老 • 日本野菜天婦羅
除左虎蝦, 野菜有冬菇、南瓜片同青椒. 呢道比較失色, 🍤天婦羅雖然炸漿透薄但唔夠香脆, 菇食落有點油膩
甘鯛立鱗燒
甘鯛立鱗燒魚鱗香脆,魚肉柔軟鮮嫩. 配左尼泊爾風味咖喱混合日本味噌sauce, 個人覺得個sauce味太搶
A5和牛西冷 +$188
和牛西冷煎至medium rare, 肉質軟腍入口牛脂香同肉汁係口腔爆發, 勁正. 有日式燒汁, 不過個人覺得簡單點少許鹽已經好美味
和牛高菜御飯
每一啖都帶有舞茸菇香, 飯粒口感剛好, 微濕潤仲混有和牛碎、馬生椒同鮭魚籽
北海道奶脆
甜品中間係香滑牛奶雪糕🍦, 外層如藝術品嘅脆片係由奶泡製成, 香甜不膩. 而雪糕下面仲有紅豆同custard 同紫蘇醃過草莓🍓有心思得黎又幾match. 如果草莓量多一點就更滿足😆
Post
