嚐點 (Closed)

團購外賣嚐點ge點心，用40蚊買5籠4款點心 (墨西哥叉燒包＋蝦餃＋燒賣＋2籠糯米雞)，因為只限外賣，所以米奇唯有帶住米妮去附近有得坐ge地方享受呢個晚餐～～事先預約左拎個點心，但係米奇米妮足足遲左半個鐘先去拎，去到見到佢一pack放左係枱面，好擔心已經係放左好耐，凍晒唔好食咁，好在，食個陣都仲係暖ge～～墨西哥叉燒包：外面酥入面軟，叉燒幾香，雖然有少少涼左，但係都仲係好食蝦餃：係發泡膠盒入面焗左大半個鐘，估唔到拎出黎個皮都唔會爛，仲係好彈牙，證明店家都整得好好，入面隻蝦大大隻，好有鮮味，彈牙爽口，正燒賣：入面d肉唔會乾，有d汁，唔錯糯米雞：好大隻，米妮食唔晒，但係個糯米雞入面真係剩係得雞粒 (好似食到少許菇粒，但係揭開中間係見唔到)……好odd……食頭個幾啖都仲ok，食得多就覺得好單調，名符其實的糯米"雞"……除左糯米雞之外，其他都唔錯～40蚊米奇同米妮都食到飽一飽～～抵到爛呀！