清真惠記

Open Now

Now Closed

放學去灣仔食個晏就仔，冇咩選擇就揀左朋友K想食好耐嘅咖哩飯。十二點幾落到去已經見到成個場坐滿曬人，見有條長龍以為有排等添，好彩係第二間嚟嘅，我地再行入啲，搵到張大枱同另外4人搭枱。一坐底，嘩，成枱都仲係牛肉碎，仲有啲咖哩汁添，嚇到我攞紙巾即刻擘左佢。碟飯嚟到時，啲飲又幾多下，最後食唔曬。講開啲咖哩，比較水啲，有一層半cm嘅辣椒油係面層，本身以為會好辣，但食落只係有微辣，唔使飲水。咖哩嘅味道都好易入口，撈飯一流，汁嘅份量多到好似咖哩湯飯咁濟。牛腩方面成個碗都係，有好多份量，偏多牛根。個人鍾意食肉多啲，所以唔係咁岩我口味，但牛根係整得唔錯，都值得食。但個人推介外賣，因為堂食環境唔係咁舒服。