Next Station Dessert (Closed)

等完friend去剪頭髮，就諗緊MK有咩食啦行行下到左黑布街，朋友話不如試下甜品，中意食甜野嘅我梗係即刻話好啦！咁就入左去呢間next station 坐底，見到隔離枱啲甜品好似藝術品咁，好靚haha仲有啲人係食試管果款，不過我地就想食窩夫多啲，最後就叫左個綠茶窩夫同香蕉朱古力窩夫 。等一陣就嚟到喇啲窩夫，先試香蕉朱古力先，窩夫個軟硬度幾好，又唔會太甜，因為要配一個好甜嘅朱古力醬所以唔可以太甜！倒啲醬上去試下，果然有水準，仲可以試下撈埋啲朱古力雪糕，凍熱一齊食都好正㗎 而綠茶窩夫都好味，綠茶味夠哂濃！仲有一個紅豆雪糕配埋，紅豆綠茶一向係最match嘅配搭！good