Video
Read full review
2016-01-06
546 views
今晚公司OT，OT完之后同同事過嚟義順食宵夜，啱啱好當時客人唔算好多，點餐之后好快有位，我哋點咗招牌雙皮奶同埋姜汁撞奶，加多個西多士；義順嘅餐牌無論食嘅或者飲嘅，種類都好多選擇，而且有好多招牌同埋熱賣嘅甜品都會提前做好再分類擺放埋一齊，咁樣客人嚟到點餐嘅話就唔使等咁長時間喇！lee點就至啱我心水！以前係屋企有學整過雙皮奶，大概嘅做法係先將牛奶煮熱均勻倒入只碗，等距表面結左一層薄薄嘅膜之后再挑開小小將牛奶倒返出嚟，同蛋清攪拌混合之后再重新倒入只碗度再拎去蒸，如果放只匙羹系上面可以放穩嘅話就代表OK喇，姜汁撞奶嘅做法有d唔同；不過兩樣整出來嘅效果同口味始終比唔上義順嘅正宗，lee嗰當然嘅喇，人哋有一流嘅大師傅同好材料，樣樣都貨真價實，先吸引我多年嚟一直咁幫襯；今次嘅西多士有小小失水準，因為趕時間，隨便食咗兩啖就要打的返屋企喇，下次得閑再嚟試下其他招牌喇！
義順嘅餐牌無論食嘅或者飲嘅，種類都好多選擇，而且有好多招牌同埋熱賣嘅甜品都會提前做好再分類擺放埋一齊，咁樣客人嚟到點餐嘅話就唔使等咁長時間喇！lee點就至啱我心水！
以前係屋企有學整過雙皮奶，大概嘅做法係先將牛奶煮熱均勻倒入只碗，等距表面結左一層薄薄嘅膜之后再挑開小小將牛奶倒返出嚟，同蛋清攪拌混合之后再重新倒入只碗度再拎去蒸，如果放只匙羹系上面可以放穩嘅話就代表OK喇，姜汁撞奶嘅做法有d唔同；不過兩樣整出來嘅效果同口味始終比唔上義順嘅正宗，lee嗰當然嘅喇，人哋有一流嘅大師傅同好材料，樣樣都貨真價實，先吸引我多年嚟一直咁幫襯；
今次嘅西多士有小小失水準，因為趕時間，隨便食咗兩啖就要打的返屋企喇，下次得閑再嚟試下其他招牌喇！
Post
