台北倆伴

Open Now

Now Closed

之前去圍方見呢間食店門外咁多人等以為係好野嚟，今日見無咁多人諗住試吓，點知係貼錢買難受。我哋點左一個便當，一個牛肉麵，蛋餅同2杯飲品。牛肉麵點完5分鐘都未夠就嚟到，快到令人吃驚，味道正常。便當等左一陣都到左，肉燥有點甜，焢肉有點乾，食到痴牙，2舊鴨血無味，質感一般，慶幸無單叫鴨血。2杯飲品不過不失，無期望無失望。到接近半個鐘份蛋餅都未見，諗住要1個鐘交枱就同職員講野食仲未到，點知果個戴眼鏡唔知係店員定店長嘅男人就話好多人都叫左蛋餅，呢樣野係得一個人做，係要耐啲架喇，佢語氣好似我催左佢好多次咁，攪到隔離幾枱人都望住我哋，令我地非常尷尬，我地再等多十分鐘都唔見就直接行出去埋單取消個蛋餅就算，費事好似求佢比野我地食咁。呢間野無下次。