Video
Read full review
2020-04-10
2163 views
住了土瓜灣這麼長時間，一直也聽說過這間囍囍小食部，這裏的炸雞髀聞名已久，外區人也特登過嚟食。問過住左10幾年的朋友都話未食過，於是覺得，可能都不外如是。然後，每天經過同自己講，仲有機會食，下次先啦。有時如果想食炸髀嘅話，就會諗起九龍灣嘅日月星，但講真，好唔就腳，於是，吃三多可能簡單快捷一點，畢竟分店多好多。近來因疫情的關係，基本上一放工就會返屋企，而剛剛前幾天在KC的飲食網站就看到佢介紹這一間炸雞脾。再想想近來很多食肆關門大吉，我就會想想會否佢係突然閂門，以後無得食呢。於是落車之後，去看看。然後見到七點關門前剩返一隻炸髀，就毫不猶豫買咗隻炸雞髀來吃。一吃，的確驚為天人。雞髀大隻固然不在話下，炸粉厚度剛好，炸出來個皮非常脆，咬下去鏗鏘有聲。雞髀肉非常香，而且嫩滑又唔算太油，好正。以$18呢一個價錢絕對係一個好大嘅驚喜。如果你嫌一隻炸脾唔夠食，呢度都有碟頭飯，炸髀飯、滷水雞髀飯、北菇雞飯，還有一個好特別嘅粒粒雞飯，呢個我都好有興趣吃。當然還有好多其他小食選擇，好似三文治，豬扒飽等等，只不過今次我目標係雞髀。呢個鋪頭係由三個女人負責的小店，不過服務水準不錯得來好快捷，唯獨係最好外賣，如果喺嗰
問過住左10幾年的朋友都話未食過，於是覺得，可能都不外如是。
然後，每天經過同自己講，仲有機會食，下次先啦。
有時如果想食炸髀嘅話，就會諗起九龍灣嘅日月星，但講真，好唔就腳，於是，吃三多可能簡單快捷一點，畢竟分店多好多。
近來因疫情的關係，基本上一放工就會返屋企，而剛剛前幾天在KC的飲食網站就看到佢介紹這一間炸雞脾。
再想想近來很多食肆關門大吉，我就會想想會否佢係突然閂門，以後無得食呢。於是落車之後，去看看。
然後見到七點關門前剩返一隻炸髀，就毫不猶豫買咗隻炸雞髀來吃。
一吃，的確驚為天人。
雞髀大隻固然不在話下，炸粉厚度剛好，炸出來個皮非常脆，咬下去鏗鏘有聲。雞髀肉非常香，而且嫩滑又唔算太油，好正。
以$18呢一個價錢絕對係一個好大嘅驚喜。
如果你嫌一隻炸脾唔夠食，呢度都有碟頭飯，炸髀飯、滷水雞髀飯、北菇雞飯，還有一個好特別嘅粒粒雞飯，呢個我都好有興趣吃。
當然還有好多其他小食選擇，好似三文治，豬扒飽等等，只不過今次我目標係雞髀。呢個鋪頭係由三個女人負責的小店，不過服務水準不錯得來好快捷，唯獨係最好外賣，如果喺嗰度食環境就麻麻。
如果你有機會經過土瓜灣，值得買來一試，呢$18絕對值回票價。
囍囍小食部
土瓜灣天光道50號地下
Post
