半島酒店利士廳

Open Now

Now Closed

估計成世人得呢次机會到半岛酒店食嘢，可能別人以為我剛從鄉下出來，但講真我就無$私下來食嘢啦，所以好珍惜這次來^^。講翻嘢食先，首先1.乳豬--每人食兩塊皮，但真的好食，皮薄無肥糕重好脆，好似食緊薯片咁，2.蝦球--用鹹蛋黄包圍住成隻大蝦球，實在太美味啦，每人只有一隻食，3.炸蟹拑--好彈呀...D肉，好耐無食過，現在如果在酒樓食到的是無彈力的蟹拑，可惜每人只有一隻食，4.芝士焗响螺--比較失望的一個菜，好普通無話特別好食，將少许蟹肉加响螺粒放入螺殼內加芝士焗，無乜味道，5.雞燉鲍翅--高潮來啦，好多翅呀又夠粗，湯又好味，完全無油呀，6.原隻鲜鮑魚--我覺得似食乾鮑喎，用刀叉去享受，一個字正(雖然不太大隻)，7.蒸海東星--嘩,我從未試過食咁大條魚，重好滑好厚肉，蒸鱼的時間剛好，8.燻雞--皮好脆，雞肉好滑，好香，好食，9.炒飯--無特别，10.上湯帶子煎粉果--將湯同粉果分開上，到食時才將粉果放在湯中才食，都不是太好食，但有少许特别，11.糖水--人參紅棗燉蓮子，得個甜字，都有人參味，12.美點雙輝--是煎堆仔同腰果酥，直得讚是熱的，好似剛由焗爐取出來般，好食。總括都是好食多過唔好食，