囍 (Closed)

今日去咗朋友屋企打牌, 佢住香港仔嘅, 我今日運氣麻麻, 輸咗唔少錢, 就屈佢食餐好嘅, 佢就介紹樓下嘅一間打邊爐任食放題, 咁就一於應承啦!這間店既湯底原來係椰子雞煲湯底, 店員等湯底滾一滾之後, 為我哋安排放啲雞落個湯度, 再滾一滾大概三分鐘就食得啦, 先飲一飲湯底, 非常之清甜, 再食一食雞, 滑都不得了!!食雞之外. 仲有肥牛同埋豚肉無限量供應, 這兩個質素都不錯另外, 再可以喺食物吧檯 任拎丸類, 例如牛丸, 魚蛋, 豬肉丸, 墨魚丸,仲有各色蔬菜粟米添除此之外, 仲有炒飯炒麵, 非常之滿足, 炒飯味道唔錯, 添完又添!原來仲有軟雪糕食, 今晚真係大滿足!