Video
Read full review
2018-03-21
1000 views
有朋自遠方來，不亦樂乎 ﹗打個邊爐，隊兩杯先啦 ﹗難得安神、地魂娘、比利民能夠聚首一堂，梗係要食餐好既。供應既調味料非常平實，青蔥、生蒜、炸蒜、指天椒、豉油，我都係最愛基本同簡單，生蒜炸蒜大量指天椒撈豉油夠晒美味喇。招牌肥鵝煲一隻，食家推介，鵝煲新嚐試 ﹗雞煲就食得多，鵝煲都係第一次，同事大大力推介。所有配料跟鵝完全被極大量的芫茜蔥掩蓋，十分有氣勢 ﹗略焗一兩分鐘，職員便前來攪兩野。左兜右炒，終於到盧山真面目，眼見都是不般材料，乾蔥頭、蒜頭、中芹，還有大大劈醬汁囉。要再焗，耐心等候滾起的一刻 ﹗白煙狂噴，香氣四溢直撲埋黎，開呀 ﹗汽泡卜卜響，梗係先來件鵝髀肉。醬汁甜美可口不單調，百種香料有層次，滲透每條肉絲之中。鵝肉彈滑幼嫩，鴨肉望塵莫及啦。滾上醬汁一件接一件送入虎口，美味得無話可說 ﹗鵝仔細細隻那夠我地四個大男孩食呢？真心回味無窮，無介紹錯，可以添食 ﹗蟶子，新鮮指數都合格的。洗得乾淨，肉質甜美嫩滑，無投訴。記得要打醒十二分精神烚到脫殼就要即食喇，過熟就會韌到橡膠一樣。正宗鮮鵝腸，掉落滾湯拖兩野要起喇，烚過耐就會縮到變蟲仔咯。雖然腸皮有少少鞋，不過超級鮮甜，爽脆索索聲，整條食一氣呵成
招牌肥鵝煲一隻，食家推介，鵝煲新嚐試 ﹗雞煲就食得多，鵝煲都係第一次，同事大大力推介。所有配料跟鵝完全被極大量的芫茜蔥掩蓋，十分有氣勢 ﹗略焗一兩分鐘，職員便前來攪兩野。左兜右炒，終於到盧山真面目，眼見都是不般材料，乾蔥頭、蒜頭、中芹，還有大大劈醬汁囉。要再焗，耐心等候滾起的一刻 ﹗
白煙狂噴，香氣四溢直撲埋黎，開呀 ﹗汽泡卜卜響，梗係先來件鵝髀肉。醬汁甜美可口不單調，百種香料有層次，滲透每條肉絲之中。鵝肉彈滑幼嫩，鴨肉望塵莫及啦。滾上醬汁一件接一件送入虎口，美味得無話可說 ﹗鵝仔細細隻那夠我地四個大男孩食呢？真心回味無窮，無介紹錯，可以添食 ﹗
蟶子，新鮮指數都合格的。洗得乾淨，肉質甜美嫩滑，無投訴。記得要打醒十二分精神烚到脫殼就要即食喇，過熟就會韌到橡膠一樣。
正宗鮮鵝腸，掉落滾湯拖兩野要起喇，烚過耐就會縮到變蟲仔咯。雖然腸皮有少少鞋，不過超級鮮甜，爽脆索索聲，整條食一氣呵成，鵝脂甘甜不油膩，好野黎喎。
自製四寶丸，丸我一向都麻麻，唯獨要食手打丸呢，罪過罪過。鮮蝦丸，蝦味濃濃，甜而不濁，蝦汁水潤，齒夾留香。鮮墨丸，肉多粉少，真材實料，食得到的墨魚鮮，實淨帶爽，高質。鮮牛丸，幼滑的牛肉泛著少少鮮牛味，不乏肉汁，少彈少爽，不錯。鮮魚丸，鯪魚滑所製，彈而幼滑，帶魚微腥，裡面充滿水份，好味。
本地手切肥牛，賣相也蠻吸引，有熟成的感覺，見到都得牛肉味又濃又甜呀 ﹗果然不出我所料，涮一涮鮮嫩粉紅色掉進嘴仔，先來滑溜溜的，繼而鬆軟，最後彈牙。牛肉汁不停釋放，鮮甜味霸道不手軟，有料到 ﹗就算烚到全熟才品嚐，都沒半點鞋韌，幸福啊 ﹗
手切安格斯牛頸脊，可預不可求，難得讚的安格斯，真心係第 1 次 ﹗肥美勁甜勁濃牛肉味道，美國來的牛果然重口味 ﹗非常有趙頭，越食越想食，我投降了 ﹗
中山脆骨腩，她來至中山？如何分辨啊？個人喜歡厚切的，更脆更甜更多汁，能鎖住更多魚油魚脂，當然更加好味道，不幸地現在比平時薄了一半。入口都爽爽地，但鮮甜味及魚脂就大打折扣嚕。
新鮮豬黃喉，薄薄脆幼骨。豬仔生腸花，爽得來而脆卜卜。新鮮豬腱筋，嚥韌有嚼勁。十分多奇怪部位供應，而且從來未食過，不是特別好食，不過好有趣囉，一試無妨。
鮮豬仔粉腸，我喜歡食彈滑，裡面一定要有嫩嫩絨毛。依幾條粉腸就實在有點堅硬，要給多點牙力才能解決，豬甜甜是有的，腍一點較好。
花雕薑汁醉雞子，無本地新鮮雞子，只有雪藏火雞子，都頂住先啦 ﹗花雕及薑汁味都食唔到，已經被鵝汁完全淹沒喇。火雞子質素都差不多啦，皮脆肉嫩，一咬噴水囉，係少左鮮雞子的蛋味甜味道黏嘴的感覺。
野生長裙竹笙，同係竹笙乍喎，食唔到有什麼分別，本身都是無味的。最緊要湯底夠香夠濃夠惹味，索盡湯汁滾熱辣，爽爽脆脆每口爆汁最暢快。
百花釀油條，即是蝦膠釀油條，因為我由細到大都不喜歡油炸鬼的，就算依個配搭一樣麻麻地。係尖沙咀高流灣食過蝦膠釀魚鰾，好食百倍 ﹗
炸鮮魚皮，在那裡食炸魚皮都好，我一樣要浸湯食的，因為不喜歡乾爭爭又偏咸的食物。炸魚皮配鵝汁怪怪的，依次都係乾食比較好喇。眼大睇過龍，原來有咸蛋黃炸鮮皮呀，有機會再試吧。
自製魚腐併自製蝦子蝦腐，兩者真係有點咸，金黃嚥韌咸咸的外皮，包著滑溜水潤的豆腐，其實幾好食的，只係咸左少少。
完全無食刺生呀，太飽了 ﹗唯有擇日再來。必食鵝腸 ﹗必食手打丸 ﹗必食手切肥牛 ﹗必食脆鯇腩 ﹗必食安格斯牛頸脊 ﹗樣樣都必食 ？真係非常十分之好很好味麻 ﹗
調味架
11 views
0 likes
0 comments
招牌肥鵝煲一隻
11 views
0 likes
0 comments
招牌肥鵝煲一隻
27 views
0 likes
0 comments
招牌肥鵝煲一隻
22 views
0 likes
0 comments
蟶子
14 views
0 likes
0 comments
正宗鮮鵝腸
20 views
0 likes
0 comments
自製四寶丸
11 views
0 likes
0 comments
本地手切肥牛
13 views
0 likes
0 comments
手切安格斯牛頸脊
8 views
0 likes
0 comments
中山脆骨腩
17 views
0 likes
0 comments
新鮮豬黃喉、豬仔生腸花、新鮮豬腱筋
34 views
0 likes
0 comments
鮮豬仔粉腸
23 views
0 likes
0 comments
花雕薑汁醉雞子
23 views
0 likes
0 comments
野生長裙竹笙
18 views
0 likes
0 comments
百花釀油條
18 views
0 likes
0 comments
炸鮮魚皮
8 views
0 likes
0 comments
自製魚腐併自製蝦子蝦腐
16 views
0 likes
0 comments
Post
